Arystan IT Group — Robotek Grand Tournament 2025 көрмесінің демеушісі, Астана қаласы

13 мамыр күні біз Астана қаласында өткен Robotek Grand Tournament 2025 халықаралық көрмесіне қатыстық. Бұл іс-шара — робототехника, STEM және білім беру технологиялары саласындағы ауқымды оқиғаның бір бөлігі болды.

Arystan IT Group бұл көрменің ресми демеушісі ретінде қатысып, білім беру және бизнеске арналған өзекті цифрлық шешімдерін ұсынды:

• Mozabook бағдарламасымен жұмыс істейтін интерактивті панельдер — көрнекілік пен интерактивтілік үшін
• LED-экрандар — презентациялар, холлдар, акт залдары және оқу іс-шаралары үшін
• Arystan моноблоктары — оқу сыныптары мен конференц-залдарға арналған ықшам әрі қуатты компьютерлер

Көрме — мектептер, колледждер, университеттер мен ІТ-қоғамдастық өкілдерімен жаңа байланыс орнатуға тамаша мүмкіндік болды. Біз білім беру саласын цифрландырудағы нақты мәселелерді талқылап, жабдықтарымыздың жұмысын тікелей көрсеттік және қонақтардан кері байланыс алдық.

Ұйымдастырушыларға сенім білдіріп, бізді осындай ауқымды шараға шақырғаны үшін алғыс білдіреміз.
Arystan IT Group Қазақстандағы білім беру саласын дамытуға және заманауи технологияларды енгізуге өз үлесін қоса береді.